संबाददाता
सोलुखुम्बु, ३० कात्तिक
नेपाली कांग्रेसको चुनाबी सभामा मृगौला फेल भएका सोलुखुम्बुका पासाङ शेर्पाको उपचारका लागि एक लाख ६८ हजार रकम संकलन भएको छ ।
सल्लेरीको नयाँ बजारमा भएको सभामा सोलु दुधकुण्ड नगरपालिकाका मेयर नाम्गेल जाङबु शेर्पाले ब्यक्तिगत २५ हजार, नगरपालिकाको तर्फबाट २५ हजार गरि ५० हजार आर्थिक सहयोग गर्नुभएको हो ।
त्यस्तै, नेपाली जनसम्पर्क समिति डेनमार्कका सभापति बिरेन्द्र सिहं कार्कीले डेनमार्क समितिको तर्फबाट एक लाख सहयोग गर्ने घोषणा गर्नुभएको छ । क्यानडामा बस्दै आएका नेपालीहरुमा सहयोग अभियान संचालन गरि थप सहयोग पहल समेत गर्ने बताउनुभएको छ ।
साथै, सभामा उपस्थिती व्यक्तिहरुवाट नगद १८ हजार रकम संकलन भएको नेपाल कृषि तथा भेटेरीनरी प्राविधिक हकहित संरक्षण समितिका अध्यक्ष रश्विन मगरले जानकारी दिनुभयो ।
हाल काठमाण्डौमा डाईलोसिस गराईरहेका शेर्पालाई मृगौला प्रत्यारोपण गर्नुपर्ने भएकाले आर्थिक अभाव देखिएको छ ।
