सन्तोष राउत/सोलुखुम्बु । युवा गायक मनराज राईले पछिल्लो पटक नयाँ गीत बजारमा ल्याउनुभएको छ । सोलुखुम्बुमा जन्मेर नेपाली सांगीतिक यात्रामा अघि बढ्नुभएका राईले हालै यूट्युब च्यानलमार्फत ‘निलो आकाश कालो बादल…..’ बोलको गीत बजारमा ल्याउनु भएको हो ।
गीतकार किरण के उप्रेतीको शब्द तथा पुस्कर सुनुवारको संगीतमा गायिका मेलिना राई र मनराजको स्वर रहेको उक्त गीतमा मायाप्रीतिको सेरोफेरोमा रहेको उक्त गीतमा प्रेमी र प्रेमिकाबिचको मिठो वार्तालाप प्रस्तुत गरिएकोे छ । राई विगत लामो समयदेखि नेपाली सांगीतिक क्षेत्रमा काम गर्दै आउनुभएको छ । आगामी दिनमा पनि गीत संगीतमानै लागिरहने गायक राईले बताउनुभयो ।
