काठमाडौँ । गायिका पुष्पा पौडेलको गीत दिलको फ्रेममा रिलिज भएको छोटो समयमा नै चर्चाको शिखरमा छ । दोस्रो नेपाल आइडलबाट चर्चामा आएका गायक रवि ओडले पुष्पालाई गायनमा साथ दिएको गीतको म्यूजिक भिडियोको कारण पनि गीत अहिले सर्वसाधारण ओठ ओठमा झुण्डिन सफल भएको छ ।
देभल भण्डारीका शब्द शृजना समावेश छन् भने गीतमा दिपक शर्माको संगीत रहेको छ । सुब्रतराज आचार्यको निर्देशन रहेको गीतमा पछिल्लो पुस्ताका चर्चित नायक पुष्पल खड्का र नायिका आँचल शर्माको गज्जब अभिनय रहेको छ ।
वैँशालु उमेरमा युवा युवतीहरु बिच हुने घोचपेच र माया प्रेमको विषयलाई आकर्षक शैलीले बनाइएको भिडियो सार्वजनिक गरिएको छोटो समयमा नै निकै रुचाइएको छ ।
रवि ओड स्वयमले पनि अभिनय गरेको भिडियोको छायांकन नवराज उप्रेतीले गरेका हुन् भने सम्पादन विकाश ज्ञवालीले गरेका हुन् । सुरेन्द्र बस्यालको कोरियोग्राफी रहेको गीत ओएसआर डिजिटलबाट बजारमा आएको हो ।
