नेत्रविक्रम चन्द ‘विप्लव’ दुई जना जिल्ला स्तरीय नेता डडेल्धुरामा पक्राउ परेका छन् ।
विप्लव नेतृत्वको प्रतिबन्धित नेपाल कम्युनिस्ट पार्टीका दुई जना नेता भित्री मधेश क्षेत्रको परशुरामा नगरपालिका बाट पक्राउ परेका हुन । देशैभर विप्लव समूहले आफ्ना गतिविधि बढाइरहेका बेला डडेल्धुराको परशुराम नरपालिका–५ परिगाँउबाट ४० वर्षीय देव भट्टराई र २५ वर्षीय रामदत्त भट्टराई पक्राउ परेका जिल्ला प्रहरी कार्यालय डडेल्धुराले जनाएको छ ।
सोमबार बिहान इलाका प्रहरी कार्यालय जोगबुडाका प्रहरी निरीक्षक इश्वरीदत्त पाण्डेयको नेतृत्वमा गएको टोलीले उनीहरुलाई गाँउबाटै नियन्त्रणमा लिएको हो ।
विशेष सूचनाका आधारमा पक्राउ परेका दुवैलाई थप अनुसन्धानका लागि सोमबार नै जिल्ला प्रहरी कार्यालय डडेल्धुरा राखिएको जिल्ला प्रहरी कार्यालय डडेल्धुराका प्रहरी नायब उपरीक्षक डम्बरबहादुर केसीले जानकारी दिए ।नयाँपत्रिका दैनिकबाट
