टान निर्वाचन २०१९ मा महासचिव पदका उम्मेदवार कर्मा शेर्पा हिमाली जिल्ला सोलुखुम्बुको दुर्गम ग्रामिण भेग टाक्सिन्दुमा मध्यम परिवारमा जन्मिएर कष्टपूर्ण संघर्षका साथ सफल व्यवसायीको रुपमा परिचित हुनुहुन्छ ।
बहुआयामिक ब्यक्तित्वका धनी, व्यवस्थापन सङ्कायमा स्नातक उत्तिर्ण शेर्पाले नेपालको पदमार्ग पर्यटनको प्रचार प्रसारका लागि फ्रान्स, स्विटजरल्याण्ड, थाइल्याण्ड, अमेरिका, क्यानडा र जर्मनी लगायत दर्जनाँै देसको भ्रमण गरिसक्नु भएको छ ।
पदयात्रा व्यवसायमा अन्तर्राष्ट्रिय अभ्यासलाई समेत लागु गर्ने क्रममा रहनु भएका शेर्पा नोम्याड नेपाल ट्रेक्स एण्ड एक्सिपिडिसनका प्रबन्ध निर्देशक हुनुुहुन्छ । शेर्पा समुदाय र पर्यटन व्यवसायमा मात्र शेर्पाको लोकप्रियता सिमित छैन ।
समाजसेवा, शिक्षा, सञ्चार, स्वास्थ्य र ग्रामिण विकासमा शेर्पाको भूमिका अतुलनीय छ । पूर्वी नेपालकै लोकप्रिय रेडियो हिमाल एफ.एम., नेपालकै पहिलो पर्यटकीय रेडियो खुम्बु एफ.एम.को संस्थापक एवं महसचिव भएर कुशलता पूवर्क नेतृत्व गरिरहनु भएको छ भने हिमाली जिल्ला सोलुखुम्बुको प्रतिष्ठित निजी स्कुल ह्वाईट हिल्स सेकेण्डरी स्कुलको अध्यक्ष समेत रहनु भएको छ ।
उहाँले नेतृत्व प्रदान गरेका यी व्यवसाय निकै सफल रहेका छन् । गरिब र दुःखीहरुको सेवाका लागि गैह्रसरकारी संस्था द स्मल वल्र्ड नामक संस्था सञ्चालन गरेर ग्रामिण मानवीय विकासमा उहाँले उल्लेखनीय योगदान दिइरहनु भएको छ ।
विभिन्न स्थानमा छात्राबासहरु स्थापना गर्नुका अतिरिक्त बार्षिक सयौँको संख्यामा विपन्न तथा जेहेन्दार विद्यार्थीहरुलाई छात्राबृत्ति उपलब्ध गराएर उज्यालो जीवन प्रदान गरिरहनु भएको छ । इमान्दारीता र समर्पणको पर्याय कर्मा शेर्पाको जीवन पूर्ण रुपमा पर्यटन र समाजसेवामा नै समर्पित छ ।
व्यवक्तिगत स्वार्थमा कहिल्यै पनि नअल्झिने शेर्पाका लोककल्याणकारी कर्मले उहाँ सबैको मनमस्तिष्कमा बस्न सफल हुनु भएको छ । स्पष्ट दृष्टिकोण, सरल जीवनशैली, सबैसँग घुलमिल हुन सक्ने, सबैको भावना बुझ्ने र प्रष्ट वक्ता भएका शेर्पाको जीत सुनिश्चित रहेको आम पदयात्रा पर्यटन व्यवसायीको बुझाइ छ ।
