कांग्रेस नेता कार्कीद्वारा विपन्न विद्यार्थीलाई सहयोग

नेपाल उद्योग बाणिज्य महासंघका केन्द्रीय सदस्य तथा सोलुखुम्बुका कांग्रेस नेता प्रकाशसिंह कार्कीले एक जना विपन्न तथा जेहेन्दार विद्यार्थीलाई पढाईमा सहयोग गर्नु भएको छ। सोलुखुम्बुको महाकुलुङ गाउँपालिकाकी छात्रा एकता कुलुङलाई उच्च शिक्षाका लागि कार्कीले आर्थिक सहयोग गर्नु भएको हो।

राजधानीमा एक कार्यक्रमको आयोजना गरी उहाँले डिप्लोमा फार्मेसी अध्ययनरत कुलुङलाई एक लाख तीन हजार तीन सय रुपियाँ एकमुष्ट हस्तान्तरण गर्नु

आर्थिक अवस्था कमजोर भएका समस्या देख्नुका साथै सानैमा बुवाआमा गुमाएकी र उनको पढाई एकदम राम्रो भएकाले सहयोग गरेकाे कार्कीले बताए, ‘उनको पढाई र इमान्दारिता हेरेर आवश्यकताअनुसार आगामी दिनमा पनि सहयोग गर्नेछु ।’ 

पर्यटन व्यवशायी समेत रहेका कार्कीले  २० लाख पर्यटक भित्र्याउन लक्ष्यका साथ सरकारले घोषणा गरेको नेपाल भ्रमण वर्ष २०२० लाई सफल पार्न सबैले आ-आफ्नो ठाउँबाट सकारात्मक र रचनात्मक भूमिका निर्वाह गर्नुपर्नेमा जोड दिए । मुलुकको सम्बृद्धिको मुख्य आधार पर्यटन क्षेत्र भएको उल्लेख गर्दै उनले बाह्यमात्रै नभएर आन्तरिक पर्यटन प्रवद्र्धनमार्फत स्थानीय उत्पादनको सदुपयोग गरेर आम्दानी बढाउनुका साथै रोजगारी सिर्जना गर्ने तथा राज्यलाई आवश्यक पूर्वाधार निर्माणमा सकारात्मक दबाब सिर्जना गर्न सकिने बताए ।

त्यस्तै देशमा मौलाईरहेको संस्थागत भ्रष्टाचार, प्रशासनिक ढिलासुस्तीलाई पत्रकारिताको माध्यमबाट उजागर गर्दै त्यसको न्यूनिकरणमा लाग्नुपर्ने आवश्यकतासमेत उनले औल्याए ।

उक्त कार्यक्रममा सोलुखुम्बुबाट काठमाडौं आएर पत्रकारिता गर्ने अधिकांश पत्रकारहरुको उपस्थिति रहेको थियो ।

तपाईको प्रतिक्रिया

सम्बन्धित समाचार