स्वास्थ्य मन्त्रालयले भन्यो : कोरोना झन् खतरनाक हुन सक्छ

काठमाडौं । आगामी दिनहरुमा कोरोना सङ्क्रमितको संख्या झनै बढ्ने सक्ने स्वास्थ्य मन्त्रालयले जनाएको छ । स्वास्थ्य मन्त्रालयका प्रवक्ता प्रा डा जागेश्वर गौतमले आउँदा दिनमा कोरोना सङ्क्रमितको संख्या झनै बढ्ने आकलन गरिएको बताउनुभएको हो ।

स्वास्थ्य मन्त्रालयले आयोजना गरेको नियमित प्रेस व्रिफङमा डा गौतमले संक्रमण बढेसँगै समाजमा विभेदपूर्ण सोच र व्यवहार देखा परेको बताउनुभयो । अझ आउँदो केही दिन थप सङ्क्रमण बृद्धि हुने देखिएकाले चुनौतीहरूको सामना गर्नुपर्ने हुन उहाँको भनाइ छ । जिम्मेवारपूर्ण व्यवहार गर्न पनि सबैसँग डा गौतमले आग्रह गर्नुभयो ।

आज देशैभर १ हजार १११ जना कोरोना सङ्क्रमित थपिएका छन् । देशभर सङ्क्रमितको संख्या ३५ हजार ५२९ पुगेको छ। एकैदिन कोरोनाका कारण ८ जनाको मृत्यु भएको छ ।

तपाईको प्रतिक्रिया

सम्बन्धित समाचार